Ukrayinağa elâk olğanlan askerlerniñ 1003 cesedi qaytarıldı, dep bildire Cenk esirleri ile munasebet meseleleri boyunca koordinasion ştab. Rusiyeniñ aytqanına köre, bular Ukrayin arbiyleriniñ cesetleri. Ştabta qayd eteler ki, taqiqatçılar bütün kerekli ekspertizalarnı keçirecek ve qaytarılğan cesetlerni teşkerecekler.
İlk yaz ayında İstanbul añlaşmalarına köre keçirilgen repatriasiya tedbirleriniñ soñki basamağı olıp keçti, umumen Ukrayina 6057 cesetni qaytarıp oldı. Şimdi qaytarılğan cesetler teşkerilmekte.
Ukrayinada 70 biñden ziyade insan ğayıp olğan sayıla. Böyle malümatnı bu sene ilk yaz ayında mahsus vaziyette ğayıp olğan şahıslarnıñ meseleleri boyunca vekâletli Artur Dobroserdov bildirdi. Onıñ aytqanına köre, olarnıñ taqdiri tek cenk bitkeninden ya da cenk areketleriniñ faal basamağından soñ belli ola bilecek.
