İlk qış ayınıñ 19-nda Moskvada matbuat konferentsiyası vaqtında Rusiye prezidenti Vladimir Putin Ukrayinağa qarşı qabaatlavlar ile çıqışta bulunıp, Ukrayina çatışmanı barışıq yolunen al etmekten vazgeçkenini bildirdi. Aynı zamanda o, Kıyivden dialog qurulmasına azırlıq aqqında belli bir işaretler kele, dep qayd etti, dep yaza Azatlıq Radiosı.
Putinniñ aytqanına köre, Rusiye Tış işler tarafından 2024 senesi seslendirilgen şartlar esasında cenk areketlerini toqtatmağa azır. O vaqıt Rusiye lideri Moskva öz anayasasına kirsetken dört vilâyetten Ukrayin ordusınıñ çıqarılmasını talap ete edi, söz tek Donetsk ve Lugansk vilâyetleri aqqında degil, Zaporijjâ ve Herson vilâyetleri aqqında da kete.
Putin, Moskvadaki vaziyetni böyle tasvirledi. Onıñ aytqanına köre, Rusiye ordusı Liman, Mirnograd ve Gulâypoleniñ yüzde 50-ni nezaret ete, ayrıca sanki Seversk, Pokrovsk ve Kupânsknı zapt etti, Zaporojjâ vilâyetinde, Slavânskta ve diger yerlerde ücüm etmege devam ete.
Ukrayina arbiyleri, Rusiye tarafınıñ territorial nezareti aqqında iddialarını red ete, meselâ, Kupânskta Ukrayin tarafı şeerniñ yüzde 90-nı nezaret altında tutqanını bildire.
